Бүгін, музейдің ашылғанына 23 жыл толуына орай "Алашорда тарихы ізімен" атты іс-шара болып өтті.
Іс-шара квест және куиз форматында ұйымдастырылды! Іс-шараны тамашалауға қаламыздың көптеген зиялы қауым өкілдері арнайы шақырылған болатын.
Квест барысында концерттік бағдарлама да болып өтті. Концерттік бағдарламада Шымкент қаласының білім басқармасына қарасты "Саз колледжі"-нің өнерпаздары мен Шымкент қалалық қуыршақ театрының әртістері өнер көрсетті!
Квест интелектуалдық ойынына М.Әуезов атындағы ОҚУ, Тарих және педагогика факультеті, "Жалпы тарих және музей ісі" кафердасының студенттері қатысты. Бес команданың арасынан "Алаш мұрагерлері" командасы өздерінің тапқырлығы және жылдамдығымен көзге түсіп, жеңіске жетті.
Іс-шара куиз ойынымен жалғасты. Куиз ойынына келуші көрермендер арасынан еркін түрде студенттер мен оқушылардан құрылған 4 команда қатысты. 3 кезеңнен тұратын сайыста өздерінің алғырлығын дәлелдеп "JOO high school" жекеменшік мектебінің оқушылары жеңіске жетті!
Шараға қатысқан барлық жеңімпаздар мен берсенді қатысушылар алғыс хаттар мен арнайы сыйлықтармен марапатталды!
Іс-шараға атсалысқан барлық мекемелерге, студенттер мен оқушыларға ұжым атынан АЛҒЫС БІЛДІРЕМІЗ!
