Сайрам музейі

«Ленин» атындағы колхоз кеңсесі ғимараты болып, 1968 жылы колхоз төрағасы О.Жамаловтың бұйрығымен (колхоз қаржысына) салынды. Ғимарат архитекторы Н.Хаджиханов еді. Оңтүстік Қазақстан облыстық тарихи-өлкетану музейінің филиалы болып, Сайрам тарихи-өлкетану музейі. 1992 жылы сәуір айында тарихшы, профессор М.Мирхалдаровтың бастамасымен ашылды. Сайрам музейінің дамуына, өсуіне тарихшы, профессор М.Мирхалдаровтың қосқан үлесі көп болды. Түркістан облыстық тарихи-өлкетану музейінің филиалы болып, Сайрам тарихи-өлкетану музейі 2018 жылы ауыстырылды.

Сайрам елді мекені Шымкентқаласының аумағына қосылуына байланысты «Шым қала» тарихи-мәдени кешенінің теңгеріміне 2022 жылдың 5-наурызынан берілді.

«Шымқала» тарихи-мәдени кешенінің ғылыми-әдістемелік қамтамасыз ету (Сайрам тарихы, археология және этнография) бөлімі ретінде 2023 жылдың 4-қаңтарынан қызметін атқарды.

2024 жылдың қараша айынан«Шымкент қалалық музейлер бірлестігі» мемлекеттік коммуналдық қазыналық кәсіпорнының«Сайрам музейі» бөлімі болып қызмет атқарып отыр.

Музейдің жалпы көлемі 800 шаршы метрді құрайтын 2 қабатты ғимаратта орналасқан, оның ішінде экспозиция 360 шаршы метр, қор қоймасы 40 шаршы метр жерді алып отыр. 2006-2008 жылдары күрделі жөндеу жұмыстары жүргізілді. 

Музей экспозициясы 10 залдан тұрады:

1. «Археология» экспозициялық залы
2. «Қазақ этнографиясы» экспозициялық залы
3. «Исфиджаб қаласының шаруашылығы» экспозициялық залы
4. «Екінші дүниежүзілік соғысы» экспозициялық залы
5. «Қоныс аударған славяндардың тұрмысы» экспозициялық залы
6. «Өзбек этнографиясы» экспозициялық залы
7. «Тәуелсіздік» экспозициялық залы
8. «Еңбек ардагерлері» экспозициялық залы
9. «Табиғат» экспозициялық залы
10. «Тарихи-орындар» экспозициялық залы

Музей қорында 9 мыңға жуық жәдігер бар. Музей қорын толықтыру мақсатында аудандық, қалалық, облыстық архив, музейлермен байланысып, жұмыстар жүргізеді. «Менің туған өлкем» тақырыбындағы қоғамдық сананы жаңғырту бағдарламасын іске асыру бағытында сансыз баптар мекені – Сайрам туралы мәліметтер, ғылыми деректержинақталады. 

Instagram: sairam_museum
Эл. почта:Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
Жұмыс уақыты: Дүйсенбі-сенбі09:00-18:00
Мекенжайы: Шымкент қаласы, Қаратау ауданы, 
Сайрам тұрғын алабы, Ибрагим ата көшесі120